【2024樓市攻略】準買家睇樓錦囊 防伏指南
今時今日，有圖不一定有真相。物業真正的價值還是要親身「睇樓」驗明正身！但「睇樓」時實質要「睇」甚麼你又知道嗎？
先了解出入路線
大家睇樓後一定要實際走訪一下日常出入路線，測試步行到附近地鐵站、巴士站或商場的實則步程。路線全程沒有「瓦遮頭」，返風落雨時便較為狼狽。如果家中有長輩小孩，便要特別留意路上的照明、治安等會否隱藏潛在危機。正所謂十隻手指有長短，每個物業都有其優劣之處，各位要因應自己的預算和需求，細心衡量再從中取捨，選出最適合自己的安樂蝸。
認清景觀座向 單位間隔
有人說坐北向南、冬暖夏涼最好。卻有人鐘愛坐南向北，認為風水上有利財運。你以為向西的單位人人避之則吉? 其實亦有人喜歡向西看日落。同樣道理，望海單位亦非人人喜歡，怕望海會較潮濕，向山景林景則易招昆蟲。那麼選街景或市景便最穩妥吧? 非也! 望馬路、學校、消防局、醫院、鬧市等雖然方便，卻會受到噪音滋擾。其實鹹魚白菜各有所好，各種景觀坐向都各有利弊，睇樓時最重要是細心比較再從中取捨，不要人云亦云!
睇樓時大家最留意可能是間隔實用與否，其實窗戶亦非常重要! 窗戶較多的單位通風光猛，可節省開燈、開冷氣的電費。另一方面，要細心看看物業是否有違建、僭建、間隔結構改動等問題。如果涉及違規改動，很多銀行都不願意承按，所以一定要向屋宇署申請單位結構圖則，找專業人士幫手仔細檢查。萬一發現有僭建，應要求業主還原，直至解除清拆令後才進行交易。
留意樓宇棟距
其實棟距不但會影響通風和採光，如果樓宇間距離太近，安全和隱私方面亦同樣有隱憂。特別是香港樓宇密度高，棟距太近的話住戶有機會受到鄰座滋擾。建議睇樓時最好早晚各睇一次，親身感受單位有沒有噪音、光污染等問題。
別忽略垃圾房及升降機
睇樓時大家都只顧單位內部，忽略了同層的泵房、垃圾房、升降機位置。喜歡清靜的住戶宜避免選擇鄰近泵房、垃圾房、升降機的單位。如果鄰近垃圾房，可能會易招昆蟲，若管理公司處理不善，更可能誘發衛生問題!
注意裝修用料
有些買家會將問題多多的物業重新裝修再賣出，單憑美觀的外表隱藏問題，新手買家一旦購入了這種「化妝樓」，便要大灑金錢維修甚至重新装修。因此，睇樓時不防留意以下幾點:
l 牆身有剝落或漏水嗎?
l 批盪是否有裂紋?
l 天花有剝落或漏水嗎?
l 廚房及浴室的喉管去水速度? 有漏水嗎? 水力正常?
l 鐵閘、木門、窗框是否穩固? 開關正常?
l 地板高低不平? 有空心磚?
留言 0