釋彥能安志杰大鬥真功夫　招招到位提早收工

內地影星釋彥能與安志杰早前合作拍攝電影《裂戰》，兩位打得之人一齊拍戲，當然打到落花流水，原來兩人早年已經認識，大家更是好朋友，故合作時更加得心應手，釋彥能笑言：「佢同我性格好相近，大家都係平易近人，好Nice，我哋今次合作，都有懷念番以前一齊拍戲嘅日子，早年我去美國，佢都有帶我去周圍玩，仲有去玩槍，大家嘅感情真係好好。」

今次合作，由於兩人好打兼默契十足，好多鏡頭都1、2 Take就完成，拍攝非常順利，彥能還笑言：「因為拍得好順暢，對劇組、投資者都係好事，好愉快。（有無打到受傷?）冇呢啲，好順利。」

東網網站 : https://on.cc/東網Facebook專頁 : https://www.facebook.com/onccnews/