消息指丹麥考慮退出國際足協丹麥仲話想叫埋其他北歐國家一齊退出

根據The Athletic最新消息，由於唔比戴OneLove彩虹隊長臀章同埋卡塔爾人權等等問題，丹麥🇩🇰準備同其他歐洲國家傾下會唔會退出國際足球協會
之前有七個國家(分別有丹麥🇩🇰、英格蘭🏴󠁧󠁢󠁥󠁮󠁧󠁿、德國🇩🇪、荷蘭🇳🇱、比利時🇧🇪、瑞士🇨🇭、威爾士🏴󠁧󠁢󠁷󠁬󠁳󠁿)準備戴臀章去抗議同埋抵制卡塔爾侵犯人權等等問題，但由於受到國際足協壓力，呢啲國家去到最後放棄呢個計劃
而丹麥足協對於呢件事就覺得好嬲😡，佢哋亦都明確表示唔會支持恩芬天奴繼續連任國際足協主席。除此之外，佢哋仲考慮緊退出國際足協，並且願意同其他55個成員國去傾下呢件事

至於丹麥🇩🇰足協主席Jesper Moller最近接受訪問就話「我哋由8月開始已經開始同其他北歐國家去傾呢件事。我諗諗吓覺得如果我哋丹麥自己離開，就會面臨巨大挑戰，但係我哋都會想試下同其他國家傾下呢件事，而我哋依家會評估下目前情況再作相應措施。」