【網絡熱話】啟德環境似韓國日本？網民意見兩極：似深圳小區多啲

最近在社交媒體Threads上，除了「觀濱」（觀塘海濱）成為GenZ新蒲點惹熱議，啟德同樣引起大家討論，有位網民出帖分享，指啟德有一種好「唔香港」嘅感覺，又大讚「舒服到好似日本」，隨即引起兩極留言！

支持派讚啟德綠化做得好

有網友力撐啟德環境好，表示「Exactly似橫濱，文創商場+市集+草地，行去郵輪碼頭個段路勁似，同埋都係冇咩街鋪」、「路闊，舒服，Chill Chill地」、「啲綠化令你以為喺日本」、「難得市區有咁大塊地」，而啟德地標之一的Airside商場亦有人讚「唔似大路商場」，而且Pet Friendly。

反對派：似大陸小區多啲

另一邊廂，有網友持相反意見：「完全係大陸小區feel」、「勁似大陸啲中上嘅住宅區」，也有人預言「遲啲啲樓再起密啲就變返香港」。

唔知大家點睇呢？歡迎留言討論。

圖片來源：Threads

《好有脆》專門發掘社交媒體有趣帖文，所有內容及相片版權均屬發布人擁有。