「撐警玻璃朱」一日被抄牌兩次　「不體恤民情只講法律」

有「玻璃朱」之稱的黃宗澤舊愛朱庭萱（Bonnie）近年積極表態撐警，不過近日在一天內被抄牌兩次，令他不禁慨嘆：「過去幾年，無論幾努力搞好警民關係，有時民怨，就係因為抄牌而起⋯…香港警察又無奈被指責！」、「政府又話同市民共渡難關，車位不足情況下，但又派咁多執法人員20秒就可以抄一張牌咁勤力，究竟係咪講一套做一套呢？不體恤民情，只係講法律」。

玻璃朱在社交平台發文，透露在6月8日，一日內被抄牌兩次。當日下午，她帶兒子去淺水灣參加生日會，「停車場full晒仲要排長龍，唯有搵個完全唔阻人唔阻車嘅路肩位泊10分鐘去放低個小朋友就返轉頭，但都即刻中。」、「轉頭去跑馬地藥房買啲藥，亦都係放喺路邊唔阻人同車嘅位，只係4分鐘後返嚟又再中。」玻璃朱表示：「抄牌效率之高，真係甘拜下風！」。

玻璃朱認為，現在經濟差、停車位又不足、「抄牌可唔可以人性化一點處理呢？」、「政府又話同市民共渡難關，車位不足情況下，但又派咁多執法人員20秒就可以抄一張牌咁勤力，究竟係咪講一套做一套呢？不體恤民情，只係講法律」，更寫道：「#香港警察全世界抄牌效率最高」。

玻璃朱指香港應效法內地處理違泊的方法：「佢哋有些情況會先發一封警告票，唔使罰款嘅。另有些地方抄牌後會即時有短訊通知，若果你15分鐘內把車移開上載証明，告票可以取消。這些不是更有人情味嗎？」為了令大家更了解內地做法，更另外撰寫一篇以「違泊罰款制度應向內地效法」為題的長文，分析「內地在處理違泊問題上似乎更具人情味」。

現年50歲的「玻璃朱」朱庭萱，曾是飲食作家和電視節目主持。多年前曾經與黃宗澤拍拖；亦是林峯的乾姐姐，與香港娛樂圈和政經人士相熟。2019年起經常高調支持香港警察，被封「撐警KOL」。2022年1月以涉嫌「酒後駕駛」被捕，之後被控「不小心駕駛」和「沒有提供酒精呼氣測試樣本」兩罪，被判社會服務令200小時、停牌兩年及自費完成駕駛改善課程，罰款2000元。