港男遊日去廁所 奧方/殿方邊個先係男廁？ 連日本大媽都入錯？

去外國旅行，最怕因為言語不通而鬧出笑話。早前一名港男與友人去日本旅遊，但人有三急時，卻在廁所門外見到「奧方」與「殿方」的寫法，明明都是漢字但無法理解，不知道那一個才是男廁，最終在解決途中遇上日本大媽，非常狼狽。不過有網民教路，下次遇到同樣情況，其實可以靠1方法解決。

這位港男日前在社交平台Threads以「日本廁所」為題發帖，上載相片及短片，詳述事件始末：「話說早排同朋友去日本旅行，叫完嘢食就輪流去廁所啦。點知佢冇寫男女，淨係寫奧方、殿方。朋友去先嘅，佢即時人生交叉點，間舖又少店員又好忙，企咗成分鐘都未有人去廁所，唯有Ｘ估啦。」

友人理性分析

他形容友人是「好理性嘅人」，因此綜合線索如下：「奧係紅色， 常理推斷都估係女。殿下殿下， 殿估計係男人。」兩人於是決定走入「殿下」，「打開門前都驚，點知裏面有冇女人，有就要改機票。好彩打開門見到尿兜，佢一身輕鬆晒，立即揸揸水（小便）。點知……就喺男人最放鬆一刻，殿方大門再次被打開，竟然係一個日本阿嬸（講緊日文）行入嚟！但係理性嘅佢突然回過神，望住前面嘅尿兜，一臉疑惑……故事結局竟然係連個日本阿嬸都唔識睇去錯咗」

網民：諗起《大奧》

不少網民笑言想起陳年日劇《大奧》，「有套日劇叫《大奧》，講幕府將軍嘅後宮，so（所以）……」、「我都係諗起《大奧》」、「有冇聽過「大奧」=后宮……」、「雖然我無乜睇，但知幕府將軍有大奧係指將軍家嘅女性，所以會估係女人。」。另有人指「日本有啲女廁都有尿兜㗎 所以見到尿兜未必可以鬆懈」。不過亦有人教路，下次遇到同樣情況，可以google翻譯，「攞個電話出嚟翻譯就得啦」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)