陳若思拍被虐殺戲周身瘀 演出角色死亡率百分百惹關注

無綫劇集《執法者們》昨晚（15日）一集講述蔡佩汶（陳若思，Amber飾）為了拯救何天茹（蔡潔飾），不惜自我犧牲引開追捕者，最終慘遭殺害。何天茹獨自逃亡期間，因體力不支暈倒，最終遭戴永強（梁競徽飾）救走。

Amber在劇裏獨力對戰兩大猛男，一度被人抱起兼不斷被拉扯、扼頸、頭撼鐵門。她受訪時表示拍攝不覺辛苦︰「當刻好集中咁去拍，但拍完真係全身瘀晒。我唔係經常做運動嘅人，唔擅長動作場面。」Amber稱很開心有觀眾留意到自己︰「起碼有人見到自己，咁死都值得喇﹗有身邊朋友發現我近年演嘅角色，死亡率係100%，所以噚晚場戲，朋友嘅角度可能覺得我慘。」

Amber在劇中的被姦戲因尺度關係，香港版本比內地版本含蓄，只以1秒左右輕輕帶過。談到這場戲，Amber坦言是最辛苦的一場拍攝，拍攝時一度流下真眼淚。她說：「我印象中拍嗰陣真係好唔開心，因為個情景好易令人代入，我覺得好難受，所以一路喊一路咁叫救命。」

（即時娛樂）