【LINE你睇】熊仔餅背後的秘密隱藏真相被公開

樂天熊仔餅由細食到大，大家都好期待每次開出來的樹熊們的造型，很少人留意背後的秘密。有人於社交平台發帖，指剛發現每粒樂天熊仔餅的「背後」都有一個窿：「食咗咁多年熊仔餅～都唔知佢個窿有咩作用」。一個窿引發無限遐想，網友們一於已讀亂回：「畀隻熊仔抖氣，如果唔係佢呼吸唔到會焗死響裏面。」「有小朋友同我講呢個用嚟屙poo poo。」「古時啲人會入啲紙條入去，互通訊息，時移世易，宜家可能少人用咗。」「畀人篤背脊…」「上鍊之後會郁。」最誇張的說法應該是：「唔係點交配呀，你估啲熊仔真係喺工廠啤出嚟㗎！？」「係工廠入面，從來只係得兩隻熊仔餅。」「熊仔餅出世同人一樣要剪臍帶，你當果個係人嘅肚臍窿吧。」

樂天熊仔餅誕生於1984年，源於日本獲贈樹熊引發的靈感，最初有十二種圖案，後不斷增加，隨即在全球多地發售；每一粒熊仔餅背後的這一個窿，其實一直存在，只是沒有人留意，不少網民分享烘焙經驗，從烘焙角度看，餅乾焗好後需由此灌入朱古力漿：「梗係畀佢唧啲朱古力入去啦。」「制造時打啲朱古力入去？」有人慨嘆：「食咗咁多年，估唔到會有人問。」

圖片來源：90年代回憶、コアラのマーチ