關嘉敏為收養愛犬與家人抗爭　公開擇偶五大原則

「扮嘢女神」藝人關嘉敏（Carman）日前帶同愛犬「TwoTwo」，接受新城《寵愛您》節目主持羅沛淇（Pinky）訪問，暢談為收養愛犬不惜與家人抗爭、搬離家園的經歷，Carman透露TwoTwo是她偶然救下的流浪犬，當時牠被困在狹小籠中險遭虐殺：「當時我諗都唔諗就決定救佢出嚟，我屋企人都唔知，我係先斬後奏帶佢返屋企。」由於媽媽怕狗，為此母女爆發激烈爭吵，最終Carman選擇搬離家園：「期間都發生好多事，我就同佢相依為命，搬過好多唔同地方。」Carman覺得愛犬性格跟她一樣是「男子頭、過度活躍」個性，與愛犬因裝修糾紛一年搬遷6次之多。

Carman又分享狗狗的「特殊技能」，就是替她篩選對象，透露拍攝戀愛真人騷時《女神配對計劃》時，TwoTwo對其中一名男嘉賓特別親近：「第一次見面就主動挨住人哋，仲主動過我。（個男仔你覺得可以考慮？）係！」直言要追求她，必先要討好愛犬，她便會好心動。若對象不接受愛犬如何選擇，她堅定表示：「我會揀TwoTwo，亦會用方法去令另一伴接受TwoTwo。」對於擇偶條件，Carman要求「專一、健康、鍾意TwoTwo、有愛心及孝順」五大原則，要求對方一定要支持她工作，包括拍親熱戲。

Carman大爆遇到愛犬時，因減肥過度罹患焦慮症，當時瘋狂做運動卻愈減愈肥，以致勞損，有一次在健身室忍不住爆喊，但自從收養愛犬後，每天規律遛狗讓她學會放慢腳步，指狗狗幫助她製造「Me Time」，整個人得以放鬆，焦慮症就慢慢痊愈。提到早前的網路負評，Carman表示要感謝這些經歷：「如果唔係我嘅心臟就唔會強大，發生事之後我喊咗三日三夜，呢三日都冇做過嘢，我就覺得自己好垃圾、好廢柴，我同自己講，我嘅初心係鍾意做呢行，我對呢行有熱誠，你要發光嘅話，你去邊到都發光，所以要做一個有實力嘅人，我聽到自己鼓勵自己。」

東網網站 : https://on.cc/東網Facebook專頁 : https://www.facebook.com/onccnews/