馮盈盈玩浮床大混戰　被龔嘉欣一嘢拉落水

一連4個周日演出的無綫夏日特備綜藝節目《大師兄Welcome Summer大激戰》，由「大師兄」錢嘉樂率領麥美恩、林秀怡、林正峰一眾「獎老」衝出錄影廠，大玩水上闖關遊戲，競逐超級終極大獎。

節目先後邀請了由藝人組成的「萬千星輝得獎隊」、「後生仔隊」、「中年好聲音隊」、「主持隊」及「獎門人好友隊」展開水上擂台大激鬥。每集會有兩隊出賽進行對決，勝出隊伍可晉身終極回合、角逐總值超過港幣18萬蚊的獎品&現金獎（PS 現金獎佔8萬）。

第一集出戰的，有龔嘉欣率領的「萬千星輝得獎隊」，及馮盈盈領軍的「後生仔隊」，「萬千星輝得獎隊」成員包括：龔嘉欣、陳懿德（德德）、林景程、張馳豪（Aska）、林智樂（Felix）、黃婉曼（Icy）；「後生仔隊」成員包括：馮盈盈、陸浩明、孔德賢（Danny）、鄭衍峰、黃婧靈（波波）、黃紫恩（JoJo）。

今晚（22日）一集焦點，落在「老鼠屎」馮盈盈身上，當她對上龔嘉欣大玩「浮床大混戰」時，竟遭望落弱質纖纖的龔嘉欣一嘢拉落水；除了冇氣冇力，「手腳唔協調」的盈盈於水上障礙賽駕駛手搖船時，竟出現遲遲未能成功上岸的困境，被「大師兄」錢嘉樂揶揄為「美貌與智慧笨重」！而同隊的昔日緋聞男友鄭衍峰見狀，亦忍不住踩多腳：「你唔想要嗰8萬蚊你出聲啊！」盈盈於拍攝期間被清潔姐姐指貌似錢嘉樂前女友李珊珊，對此錢嘉樂即掟出八字真言機智回應：「珊珊來遲，盈盈不離！」

本集另一焦點落在3位「大隻仔」，包括張馳豪（Aska）、孔德賢（Danny）及鄭衍峰身上，於「水中大電視」環節，Danny與鄭衍峰以「肌力」成功戰勝水壓，在水中輕鬆做出「騎膊馬」、「心肺復甦」、「劍擊」等高難度動作！而Aska玩「騎呢大啖食」時，除脫掉上衣大晒肌肉，還上演「出水芙蓉」娛賓，成功引起全場歡呼！前女主播黃婉見狀，亦忍不住出手撫摸Aska脹爆肌肉。

東網網站 : https://on.cc/東網Facebook專頁 : https://www.facebook.com/onccnews/