網上熱話｜順豐奇招送貨上門 人妻搞笑回應：係咪玩我？ 帖文引順豐哥哥本尊現身
網上購物愈來愈方便，不少人都有網購習慣，用電話撳幾個掣就有人送貨上門。不過，若然不是長期在家收貨的話，有時遇到無人應門的情況，令送貨員要各出奇招擺低包裹。早前一位網民就分享太太的網購經歷，不但引來網民熱烈回應，就連負責送貨的順豐哥哥亦竟然真身回應！
順豐奇招送貨上門
不少人都有網購經歷，有時遇著送貨時唔喺屋企，大多都會要求送貨員將包裹放在管理處或屋企門口。早前，一位網民就在社交平台分享其太太的網購經歷，直指順豐哥哥送貨上門時適逢屋企無人，而順豐哥哥為求方便就將包裹放在大門上，並影相send給她作實。
人妻搞笑回應：係咪玩我？
順豐哥哥能夠在無人應門的情況下找到擺低包裹的方法，但人妻就搞笑指對方將包裹放在大門頂「係咪玩我」，又主動提出「下次可以擺喺地下」、「我唔夠高拎」，而負責分享事件的人妻老公亦表示「擺到咁高真係好好笑」。
帖文引本尊現身 網民力撐：好心先會咁
人妻及其老公單純覺得好笑而分享事件，未有任何不滿的情緒，而意外的是帖文竟成功引來相中順豐哥哥本尊現身，親自回應指「順豐哥哥對你唔住」，更揚言「冇下次」。不少網民就認為順豐哥哥夠晒盡責，「佢擔心擺地下會俾人偷」、「擺咁高可能至少要偷都可能冇咁容易」、「順豐哥哥幾好，放地下應該俾人偷咗」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)