姜濤壓力爆煲身心受創　自認抑鬱揚言「希望下輩子不再是藝人」

人氣王姜濤墮海震驚全城，其實他已非第1次發生突發狀況，他自爆紅以來一直飽受輿論壓力，不但心理上大受折磨，更連帶身體出事。2021年初他勇奪《叱咤樂壇我最喜愛的男歌手》後，外間反應兩極，令他慘遭Haters圍插。同年，他出席公開活動時突然腳軟暈低，並直立式倒地，嚇得現場過千名粉絲大叫，有指他當時壓力大到胃痛，加上現場環境較焗促，導致腳軟而跣低。

事後他於紀錄片中剖白，親認情緒低落，更自覺似有抑鬱症：「由叱咤完咗，我個人就開始有啲奇怪。出道愈久就…見到大家就更加大壓力。其實出席活動，我剛出道時好開心，因為可以見到Fans，我答應過大家，希望見到大家的時候是開心的。見到大家的期待，我的壓力就更加大，可能我還未承受得起。」

2022年，姜濤在籃球賽上膝頭受傷倒地送院，及後停工多時導致身形暴脹，豈料在翌年初復工出席頒獎禮，因目測體重近200磅，而再受到網民抨擊，壓力爆煲的他被指多次無預警下玩失蹤，更有指為避開粉絲的私追行為及媒體追訪，而低調搬離原有住所展開獨居生活。同時，他與髮型師傳出緋聞，而令他自感內疚，再度壓力爆煲，他曾受訪表示：「對於影響到人哋生活，覺得好內疚。依家知道做公眾人物惟有收埋自己多啲，多啲注意，都係嗰句，我人工包埋，冇乜私生活可言。」而今年4月，他趁愚人節開玩笑指：「希望下輩子不會再是藝人」，但就再惹來黑粉狠批，直指他對粉絲不負責任、身為公眾人物不應放負。

東網網站 : https://on.cc/東網Facebook專頁 : https://www.facebook.com/onccnews/