少爺占填詞大玩早婚哲學　Locksmiths新歌：廿歲結婚唔算衝動

樂隊Locksmiths開鎖佬推出甜蜜新歌《二十婚》，直率地表達「假如人生有一百二十歲，廿歲結婚都唔算早」的浪漫想法。與跟上次《陪我去台北》風格完全不同，這次的甜蜜愛情小品由少爺占操刀填詞，帶點他早年作品《中學生應該談戀愛》的青春氣息，同時亦受到組合Shine《簡單而隆重》的啟發。

這隊由主音大雄、結他手阿東、低音結他手Harry、鍵盤手Eric及鼓手Tom組成的樂隊，這次繼續同師兄洪助昇（Aiden）合作拍MV，又自爆原來個個都有過「衝動結婚」念頭，Harry更直認自己係「戀愛腦」，認真搞笑。歌曲指「廿歲結婚可能係衝動，但大個咗先發現，當初嘅心動先最珍貴」，更唱出「既然你值一百分，那就原地結婚不必等」，甜到漏！

問到成員們有否想過結婚，Harry即自爆：「我都不怕直認，其實我有時都會好戀愛腦！」大雄就話：「我自己都估唔到，原來我都幾想結婚。細個嘅時候，有一位長輩成日同我講：『唔好結婚呀！無自由㗎！』大個咗發現，如果我願意拋開所謂嘅自由去結婚，我相信我一定好幸福！」Eric就笑說：「細個諗住十八歲就結婚，而家就覺得順其自然啦！」最淡定是阿東：「結婚係人生必經階段，但都要等啱嘅時機。」

提到新人年過去，成員但都感觸良多。Harry坦言第二年的路會難得很多，因為大家對他們的期望會更高；大雄則說：「而家只係一個開始，我哋會繼續努力創作！」Tom跟Eric就多謝公司同同事支持，阿東就話：「喺香港做音樂唔容易，好慶幸遇到欣賞我哋嘅樂迷。」