七線人棄王︱林秀怡爆料　出埠開工某女藝人背男友出軌

藝人陳俊堅、鄭雋熹、程浩駿、林浩文和姚宏遠五位「七線藝人」拍成的節目《七線人棄王》，其中有一個環節七線爆料王，就請來藝人林秀怡作嘉賓，她在節目中大爆有女藝人疑背男友出軌，出埠拍節目時，搵男藝人「陪瞓」，她說：「我試過出埠嘅時候有個女仔好驚自己一個一間房，佢應該係好驚自己一個人瞓，當時我知道佢係有一個固定嘅男朋友，夜晚食完飯之後佢就問一位男士，可唔可以陪佢瞓或者去佢間房瞓，原因係因為怕黑。（大庭廣眾下講？）大庭廣眾下講，但你哋知道咗個女仔係邊個，應該就唔想照顧佢。（喺邊個？我哋好想知）跟住之後我就覺得呢個女仔曳曳，因為我本身識佢男朋友。（佢男朋友係邊個？）總之係一個出外地嘅節目，我見到呢個女仔咁啦，然後呢個女仔好曳曳，好彩個男士係冇應承，不過就送咗佢返房，喺間房到逗留咗一個鐘度就走咗。」

而網民就將林秀怡的說話整理出一個線索，就是「怕黑」、「有男朋友」及「曾與林秀怡出埠」翻查資料，跟林秀怡出外拍節目的並不多，女藝人包括朱智賢、邵珮詩、、黃美棋及陳芷尤等人。

東網網站 : https://on.cc/東網Facebook專頁 : https://www.facebook.com/onccnews/