洗衣機暴走封門！一開機就「走佬」頂死廚房門｜專家懶人包：即場救門法、新機安裝擺位須知

近日 Threads 及 Facebook群組先後出現多宗洗衣機「走佬」事件！多名網民直擊家中洗衣機運作期間「走位」、「跳出嚟」，有事主更指洗衣機擺位靠近廚房門邊，機身在猛烈震動下移位並頂住門扇，結果廚房門被「頂死」無法打開，進退兩難。事主惟有以相片、影片及文字並茂方式上網「求救」，希望網民出招解圍。

閱讀更多：

灣仔舊樓法團告業主租客敗訴｜拒「夾錢」做大維修有咩後果？ 小業主「唔夠錢」可以點做？

港人日本「一抽入魂」集體中頭獎 引爆「玉桂狗焗爐之亂」笑到崩潰｜海外選購電器安全及注意事項全攻略

帖文一出即引來熱烈討論。部分網民直指屬室內設計「中伏」，認為洗衣機不宜緊貼門口位置；亦有不少人提出處理方法，由較實際的拆門、改由窗戶進入、尋求消防員協助，到較搞笑的「打爛玻璃伸手入去推」及「召喚 Spiderman」等，留言區瞬間變成「救門」指南。亦有人打趣稱「人有情緒，機都有，畀啲時間部洗衣機」、「佢只係想要個獨立辦公室」、「洗衣機反叛期係咁，俾佢冷靜吓自己會開門」，甚至有人笑言「搵談判專家上嚟同佢傾，叫佢唔好走出嚟危險位置」。

除了出主意，亦有網民以自身經驗替事主「尋因」。有人估計可能是地面不平，或洗衣機底部四角墊腳未有校平；亦有人指出，新機安裝時師傅或只是「求其」推入位，未按指引拆走機背的搬運螺栓／運輸固定件，開機便更易劇烈搖晃。另有網民提醒，洗衣機頂放太多雜物亦會令機身失衡；而裝衣量亦不宜「打爆」，一般放至七、八成較合適，厚薄衣物分開洗亦可減少偏重震動。

網民歸納「出事」常見原因：

1. 地面不平，機身受力不均

2. 洗衣機四隻腳／墊腳未校平，運作時容易走位
3. 機背搬運螺栓／運輸固定件未拆，滾筒受限導致劇烈震動
4. 機頂放置雜物過多，令重心不穩
5. 衣物放得太滿或偏重（例如厚衣集中），引發不平衡震動

就「開門解困」及日後預防同類情况，有裝修專家提出較不易損壞廚房門的做法，並提醒可先以「最少破壞」方式嘗試處理。

即場解困做法：

1. 準備工具：十字螺絲批、鐵筆（或木條／其他硬身長條物）
2. 先用十字螺絲批拆下門鎖
3. 由鎖孔伸入鐵筆，利用槓桿原理把洗衣機逐步推回原位
4. 若只能局部移動，先處理靠近門邊位置，務求「撬一撬」騰出開門空間
5. 過程或較費力，亦有機會令鎖孔位置出現裂痕；日後可加裝鎖口片或以其他方法修飾

日後預防建議：

1. 洗衣期間盡量避免關門，減少「頂門」風險
2. 在洗衣機底部加裝減震墊，減低震動及走位機會
3. 若震動明顯異常、甚至大幅「跳出」，不排除機件鬆脫，應及早檢查並安排維修
另有裝修顧問補充，安裝洗衣機時，若細節處理不當，隨時引發震動、漏水或去水不暢等問題。

安裝及擺位注意事項：

1. 機背固定件：安裝後如震動異常，先檢查機背搬運螺絲／固定件是否已按指引拆除
2. 排水喉接駁：排水喉與其他喉管接駁時，喉管長度宜控制在 10呎 內，並需考慮斜水，避免影響排水效能
3. 入位難度：如需安裝於櫥櫃角落等「入位」位置，或要抬起機身就位，部分師傅或會收取額外安裝費
4. 去水設計匹配：留意機款屬「高去水位」或「低去水位」，並按家中去水位／地漏／U 型去水喉管條件選擇合適機種
5. 漏水應對：如高去水位機安裝於低去水位置出現漏水，師傅或會改用較長排水喉並把水喉掛高，再接駁至低去水位以改善
6. 廚房擺放：如將洗衣機放在廚房，應盡量避免把所有去水集中接駁於同一條去水喉，以免倒灌；如無法避免，宜先與裝修公司商討解決方案。

想緊貼樓市最新動態，記得追蹤28Hse以下平台！

28Hse 網頁：https://www.28hse.com

YouTube：易發睇樓團 (https://www.youtube.com/@28hse_com)

Facebook：28hse.com (https://www.facebook.com/28Hse)