薛家燕自爆有拖拍　年下男想結婚被拒：我收咗經

現年73歲的薛家燕日前攞烏龍認錯衛詩雅（Michelle）是剛宣布有喜的連詩雅，還問「有三個月未？」，場面尷尬。不過，衛詩雅不但不介意，還邀請家燕姐到自己主持的網上飲食節目，大談感情生活。薜家燕更坦白大爆自己有拍拖，但不會考慮再婚。

Michelle 在節目一開始神色凝重，對着家燕姐說：「我哋之前有啲誤會。」家燕姐立即又向Michelle恭喜，「衞詩雅，恭喜你提名最佳女主角，哈哈。」Michelle立即捉着家燕姐雙手錫錫，「多謝你，家燕姐。」家燕姐重提舊事，「哎呀！真係尷尬啦，我仲摸你個肚啊。」兩人隨即大笑。衛詩雅還承諾︰「他朝我真係有喜，我第一時間上你節目。」

兩人在節目中，除了談食之外，還大談感情事。衛詩雅八卦問到家燕姐的感情生活︰「你係咪好多人追，而家有冇拍拖？」。家燕姐面露尷尬但甜絲絲的答道︰「有拍拖。有人知道我有個朋友仔細過我嘅，咁我梗係好保護關係啦，因為佢唔係我哋呢行。」

家燕姐還透露對方想與她結婚，但被她拒絕：「我呢個年紀，唔會諗住再結婚，佢希望想結……可能人哋想有小朋友，但係我收咗經啦嘛！我食咗靜心，吖！真係呀！唔使諗㗎啦嗰啲，哈哈。」

衛詩雅又乘機向家燕姐取經，請教如何成功在社交平台玩到出神入化，早前翻唱韓團BLACKPINK的Jisoo名單《FLOWER》廣東話版，熱爆網絡。家燕姐亦大方分享，全靠女兒及兒子幫忙，緊貼潮流，留意網上熱話：「我問佢而家潮流興啲乜嘢，我就會盡量去做，好似《Flower》，我啲學生話：『家燕媽媽我哋全部都識跳。』我唔識跳會好瘀㗎嘛，自己又係校監。」

家燕還叮囑Michelle不要在廁所瀏覽社交平台：「因為有一次我喺廁所睇Facebook，唔小心撳咗live個掣，哈哈！我兩個女，『嘩！媽咪你做乜嘢呀？你做乜喺廁所Facebook live！』嗰刻唔係好多人睇咗啫，我係大頭咁坐喺度，做緊一件好大嘅事！哈哈。」