41歲沈震軒疑轉行揸Uber　用真名兼靚車超高評分

現年41歲的沈震軒（Sammy）入行20年，與女友陳欣妍感情穩定，近年主要發展內地巿場。有網民近日叫網約車Uber時，竟發現司機疑為沈震軒，車款更為他早前購入的百萬寶馬電車同款。

網民在threads貼圖寫道：「呢位Uber司機，有啲眼熟」。據截圖所見，司機名為「Ho Ming」，照片明顯是沈震軒，車款正是沈震軒擁有的黑色BMW iX新款電車，加入Uber 兩個月已開了107程，評分高達4.96，更獲乘客讚賞車輛型格、有「卓越服務」及「風趣幽默」。有網民即表示，沈震軒原名正是「沈浩明」，與司機名字吻合。

該帖引起網民熱烈討論，有網民認證「琴日先搭完，原來真係佢，唔怪之得咁似樣」，亦有人羡慕：「我又要坐浩明車」、「搭Uber搭到iX已經好正， 司機仲要係沈震軒揸嘅，就真係omg!!! 」、「真係佢哦，要瘋狂叫車」、「搭Uber咁好彩抽到明星」、「如果可以點唱約誓，落車一定要比tips」、「可唔可以同陳欣研一齊座（坐）」。

有網民則引述沈震軒在《喜愛夜蒲2》的角色搞笑留言：「佢會唔會唔跟你需要去嘅地點直接車你去蘭桂坊」、「佢唔係沈震軒，你哋全部都唔識佢，佢係蘭桂坊USB」。