李思雅離巢無綫　曾主持4屆奧運絕不容易

藝人李思雅日前於社交網宣布已於上月25日與無綫完約，效力接近20年的她，表示TVB是她踏入社會工作的第一間公司，由一個小女孩直到現在，得着不少。她又表示：「不過都係時候作出一啲改變，由一入行到依家，總共主持了4屆奧運會真係不容易，多謝咁多年來畀過機會我嘅所有前輩，合作過嘅工作人員，多謝各位嘅教導，成就今日嘅我。」

正式回復自由身的思雅她接受東網訪問時坦言：「其實公司一早都有同我傾續約，但係我選擇離開，出面都有啲嘢傾緊，好多都係有關運動嘅工作。」已做4屆奧運主持的她表示今年都有接主持活動，「自己擅長打網球同高爾夫球，所以好多公司都搵我出席，頒獎及同啲VIP打波，我自己鍾意運動，又可以做自己擅長嘅嘢，都好充實！」

思雅之前跟好友陳靜(Dada)齊齊到歐洲旅行，去了意大利、法國南部、倫敦等地，大家對足一個月，她謂：「我同Dada好夾，大家都好鍾意運動，我都有去睇溫布頓網球比賽，我都係第一次睇溫布頓，真係好正。」

東網網站 : https://on.cc/東網Facebook專頁 : https://www.facebook.com/onccnews/