【老公想追個女】葉翠翠封肚唔再生：兩個已經攞命...

【今日直撃】葉翠翠上月底在社交平台報喜，與老公周曉東（Raymond）第二個兒子「小小王子」出世，9磅重，相當健康。翠翠今日一家四口出院，老公抱住大仔「小王子」周津羲（Jake），翠翠就抱住小小王子，她很貪靚穿上高跟鞋出來，當Raymond惜她一啖時，翠翠突然流眼淚，她連忙解釋不是好感動，只是有些東西吹了入眼，即叫人遞上紙巾抹眼。

翠翠指小小王子是足月出世，估不到有9磅重。至於名字是否已改好？她說：「老公諗咗幾個月，昨晚話不如英文名叫『Titus』，叫我上網看看，發現是一個牌子名，所以叫他打消這個念頭，他要再花幾個月再諗過。（會再人算命再改名？）都會，這些都是交給老公去做。」翠翠透露現時會餵人奶及奶粉，最重要不想餓親BB。

問她會否再追個女兒？翠翠說：「唔會，兩個已經攞命，今次懷孕都好攰，因為又要照顧大仔，我個心好唔舒服，成日抱唔到他，如果再追多個會更加困難，其實兩個都夠喇，不用太多。雖然我鍾意女，不過覺得現在社會好似好危險，生女仔多嘢擔心，所以無想過再追，計劃未有追第3個。（即是現在封肚唔再生？）計劃無第3個，意外都盡量避免。（和老公已有共識？）他都想追個女，但如果唔係女，我想間屋都拆埋，因為唔知仔定女，所以無打算再生住﹗」

（即時娛樂）