雞排妹冰島遊狂浸露天浴　玩足11日一人旅費大公開

台灣藝人「雞排妹」鄭采勻（原名鄭家純），早前曾晒過喺冰島玩嘅性感靚相，更公開身穿藍色花紋比堅尼，喺當地名勝景點藍湖浸溫泉嘅片，事隔3個月，佢終於都整理好所有片同相，大騷豐滿上圍勁香艷。

佢自爆今次冰島自駕環島共11日，佢分享輕鬆路線行程，逆時針環島總行駛距離約1,800公里，體驗到瞓冰湖、風雨下浸溫泉、浸私人露天風呂等，佢又做埋司機，車住同行親友一齊觀賞大自然壯麗景色。因為同行嘅就有兩位55歲長輩，所以行程都唔會太Chur，佢亦提到追極光心態好重要：「全員是抱着若沒看到極光，那安排其他觀光行程的心情選擇去冰島。」好在佢哋都有睇到極光，非常幸運。佢又公開今次行程一人份旅費，11日佢就已經玩咗84,341元新台幣（約22,752港元），雖然不含機票及餐費，但見佢極詳盡介紹今次成個Trip，明顯相當用心做紀錄。

東網網站 : https://on.cc/東網Facebook專頁 : https://www.facebook.com/onccnews/