消息指巴塞向根度簡提供3年合約，沙維一直都同根度簡保持聯絡，球隊已經保證可以100%成功註冊

根據The Athletic 同每日體育報消息，巴塞隆拿為咗成功免費簽到曼城隊長兼中場根度簡，佢哋將會提供更好報價，佢哋為咗呢位德國🇩🇪球員提供3年合約🙂

事實上，根度簡同曼城份約去到今月尾就會到期，暫時未知道呢位中場會去邊。而巴塞教練沙維一直都同根度簡保持聯絡，並且講解自己將會係巴塞扮演嘅角色。消息又指巴塞原本希望今個星期內得到根度簡團隊答覆，但係去到今日都仲未收到🙃

消息指曼城三冠王慶祝活動，英格蘭🏴󠁧󠁢󠁥󠁮󠁧󠁿中場加利殊曾經係鏡頭前説服貝拿度施華唔好離開球隊，對比起根度簡就無出現呢個情況。而曼城教練哥迪奧拿希望球隊盡最大努力去留住根度簡🥹