蔡思韵讚鄭伊健真正男神歷久不衰 爆男友劉俊謙超級宅男

鄭伊健、陳卓賢（Ian）、蔡思韵、許恩怡等，昨晚（10日）到沙田出席電影《久別重逢》首映。

蔡思韵覺得伊健是真正男神，歷久不衰，因她小時候已看對方的電影，長大後能和對方演對手戲，終於親身感受到，原來真正男神是跨越年紀。年輕的時候有年輕魅力，去到不同年紀，又有不同氣質，確實很犀利，問可會覺得同樣被封「男神」的男友劉俊謙，也會歷久不衰？她說：「我覺得作為一個演員，隨年紀可以演出唔同類型角色，已發揮到演員魅力，係好難得嘅事，我哋最近翻睇《幻愛》，佢都覺得自己個樣成熟咗很多，希望佢都可以成為歷久不衰男神。」

談到劉俊謙登熱搜本地娛樂名人榜首 ，她說：「勁呀！恭喜佢，佢本身係宅男，真係超宅到你估唔到，相信佢都會好驚喜，有咁多人關注佢演過嘅戲同角色，我覺得被關注係好幸福嘅事，戥佢開心，但我哋都忙工作，冇時間慶祝。」

（即時娛樂）