【出街搵食】碩果僅存！ 手包魚肉燒賣粉果 廣福街市重開至二月底｜大埔美食｜
廣福邨冬菇亭，素來是區內美食集中地，去年初，隨著領展搞邨內翻新，不少老店搬的搬，結業的結業，其中「樂記燒臘粥店」對出主打手包魚肉燒賣和粉果的車仔檔，有位人稱「燒賣佬」的老伯，亦被迫告別街坊食客。最近，車仔檔走入廣福街市低調重開，煙韌的手包燒賣，重出江湖。
延伸閱讀：
點只鄧梓峰似巴斯光年！馬明、香香全部有份！盤點26個同卡通人物撞樣藝人
最成功的姊弟戀！狼人Hugh Jackman曉治積曼結婚21年仍日日大曬恩愛
手包燒賣粉果 重現廣福大埔街市
冬菇亭的老店如廣成、嘉華等都被迫搬走，素來在樂記燒臘粥店，對出賣燒賣粉果的車仔檔，也黯然離場。人稱「燒賣佬」的王伯，休息九個月後。 機緣巧合，以「好難食牛肉麵」聞名的九米香店主「鬍鬚仔」李恩鑑，邀請王伯出山，在只餘兩個月租期的街市舖位重開。
昔日大埔廣福冬菇亭內小店林立，美食眾多，主打凍檸茶、炸髀的嘉華。
唔做周身病 一做就精神
王伯現年78歲，廿幾歲便在九龍灣木屋區學師，最初做走鬼檔，賣雲吞麵，後來賣得悶，又跟人學做燒賣、粉果，一賣就四十幾年。90年代開始在廣福冬菇亭擺車仔檔賣燒賣粉果，直至去年因領展改建翻新工程而停業。
休息九個月，王伯想過退休，他說「賣燒賣、粉果，都係玩玩吓，搵唔到食。」不過，他自己細藝不多，平日就愛刨馬經，飲藍妹，過日晨。
重出江湖，不是為錢，為的竟是健康。每日開檔，就做粉果皮，全程手搓手擀，下下有力。「呢啲當運動。」王伯說。
一時間要退休，動了幾十年的筋骨，一時不慣，病痛多多「政府醫生又睇過，私家又睇過，病完又病，一唔做嘢就成日病。」王伯話老人家最重要就是多運動，現在日日忙過不停，辛苦，反而自得其樂，精神也好起來。
汕尾粉果 自家搓皮 鮮製靚餡
王伯兩大招牌，粉果和燒賣都是自家手作。現在因店面有限，燒賣要打魚肉，便改在工場裡製作，所以要講最新鮮的，必然是粉果，每日在店裡清晨6 點開始，便和麵搓皮備餡，一做便要做到開店時間，下午兩點。