首代「造星」參加者鄧禮迪出處男單曲　搞到夜夜失眠靠打波減壓

參加過第一屆《全民造星》的「迪迪仔」（鄧禮迪）事隔5年後推出首支個人單曲《同類》，加盟新公司成為關嘉敏（Carman）師弟的他，問到為何至今才出「處男作」，迪迪仔謂：「雖然當時好開心入到20強，但明白自己有好多不足，評判嘅評語對我都好有建設性，所以比賽完我就搵咗好朋友兼歌唱老師Guddy 教唱歌，亦有搵老師去學戲，好好裝備自己。」而第二個原因是資金籌備，兼且想炮製首自己鍾意的題材同旋律的歌曲。自我解決第一及二的問題後，他向朋友諮詢意見了解如何作歌曲。

由於是他人生第一首歌，由開始挑選歌曲到歌詞再到錄製過程，曾經歷緊張到夜夜失眠的過程，而最佳的減壓方法就是做運動：「係打籃球，我試過有一次可以由練波後再自己加操，足足逗留在籃球場上6小時，每次打完波都有一種被釋放嘅感覺。」他又話望新歌可令社會關注標籤歧視事件，亦望外界認識到自己。

東網網站 : https://on.cc/東網Facebook專頁 : https://www.facebook.com/onccnews/