同阿媽一齊去食返個靚lunch

呢日突然心血來潮想食米線，見到譚仔三哥出咗新嘢，決定同阿媽一齊去食返個靚lunch ❤️

媽咪超鐘意食辣，所以今次特別order咗三哥水煮湯老油條鴨血米線畀佢，老油條分開上好貼心而且非常脆口，浸少少由15種香料同醬料提味嘅湯底，味道更加突出，呢個湯底都令鴨血更加入味，搞到想無限refill😂鐘意辣嘅fans真係唔好錯過啦 !

我自己就叫咗個清清地嘅清湯米線搭配油揚、京白菜同鵪鶉蛋，呢個組合味道比預期更豐富，特別係鵪鶉蛋還有咬口，蛋黃好香，京白菜吸盡湯汁，食菜都食得特別開心🤤

不過叫埋阿媽黎最重要都係想試埋d 小食～蒜香雞翼尖同蒜辣雞翼尖照顧曬我地兩個人嘅喜好，前者蒜味香濃，麻香突出，就咁食都好滿足；後者嘅秘制辣油刺激味蕾，越是越開胃，同水煮湯米線係完美組合!再加埋香醋芝士鮮原茄，蕃茄清新爽口，辣完比返酸甜你，上面仲有芝士碎，口裏面嘅味道超多層次！

今期鴛鴦哈蜜瓜爆珠梳打係新推出嘅特飲，爆珠係哈密瓜味，要落去爆出果香，混合喺密瓜味梳打，剛好可以減辣又唔會太甜，食完真係大滿足🥰

▼Follow 852 FoodVoyage

生活