姚子羚欽點「男友」合作　張振朗識做讓路

視帝張振朗與姚子羚昨晚現身活動合唱，為兩人今個月舉行的音樂會熱身。子羚稱有意邀請緋聞男友徐偉棟充當音樂會攝影師，作為子羚螢幕CP的振朗即揚言要讓位給徐偉棟上台，認真識做！

藝人蕭正楠（阿蕭）、張振朗、姚子羚與劉佩玥（Moon）今日（30日）現身紅館合唱，Moon表示一起唱歌開心又享受，振朗與阿蕭大讚Moon歌喉了得，要畀101分，阿蕭指之前開騷想請Moon做嘉賓，但因時間未能配合而作罷。子羚透露7月會與振朗組CP開騷：「個音樂會會加入戲劇形式。（會唔會請緋聞男友徐偉棟？）唔知佢得唔得閒，如果佢得閒請佢嚟影相，佢影相好靚。」她又指自己太忙，現時兩人的關係仍是了解中，振朗即時搭訕：「我讓個位畀佢（徐偉棟）上台。」

至於阿蕭早前為兒子搞百日宴，冧爆表示：「係BB推動我哋，平時我哋兩個會匿埋，當日BB表現幾好。」問到太太黃翠如是否已復工？他指對方一直有工作，但並非公司的拍攝，談到翠如復跑，他說：「見佢跑番步好開心，即係個傷口差唔多痊愈。」又指大家工作以外的時間都是湊仔，笑說：「連詩雅搞生日會我要留喺屋企湊B，到可以約埋其他老公同小朋友嚟，幫小朋友睇吓有冇姻緣。」

東網網站 : https://on.cc/東網Facebook專頁 : https://www.facebook.com/onccnews/