碧咸大仔布魯克林洛杉磯買屋定居　加深家族矛盾

英國前球星碧咸（David Beckham）的大仔布魯克林（Brooklyn）與父母一邊家人反面，一心向住美國豪門女星妻子妮歌娜佩絲（Nicola Peltz），雖然碧咸於社交網站留言標籤一家人包括布魯克林表示愛意，布魯克林未有領情，更被爆已與妮歌娜於洛杉磯荷里活豪擲1,100萬英鎊（約1.2億港元）買下豪宅，加深家族矛盾！

布魯克林與妮歌娜之前只是租屋，現在買屋代表決定定居美國，已經不會回英國。知情者透露：「布魯克林老婆係美國人，佢好仰慕嘅老婆家人都係美國人，佢覺得佢依家人生係喺美國度。作為一個網紅，布魯克林喺世上任何地方都可以工作，但佢覺得自己喺洛杉磯會有更多機會。今次決定對佢父母嚟講，就好似一把插喺心臟嘅短刀。直到之前，布魯克林夫婦一直都只係租屋，所以父母都希望個移居唔係長期。依家買屋就令到呢啲最後希望冇晒。」

東網網站 : https://on.cc/東網Facebook專頁 : https://www.facebook.com/onccnews/