【LINE你睇】淌着血送外賣 跑腿的堅持與掙扎

網購的方便在於送貨上門，為的是生活便利；隨著越來越多網購平台，也同樣越來越多外送員，為了生活當別人的跑腿，累了不敢說，有時哪怕淌着血，也要使命必達！想不到有網友近日遇上嚇人場面，送門口的外賣膠袋，竟然佈滿血跡，狹窄的門廊空間裡，這畫面頓時讓人又驚又慌，滿腹疑問！

原來有人在網購平台訂購食物後，外送員表示已經送到門前，打開單位鐵閘就見到嚇人一幕，激動在討論區留言：「勁癲！啱啱收到袋貨，成袋都係血！入面啲野爛晒！咁都夠膽送俾客！仲要WhatsApp我放低門口就算，搞到我門口鐵閘同石階都有血！客服又搵唔到，唔知想點！」網友們見狀紛紛驚訝，有人追問：「咁恐怖，咁到底係買咗啲乜嘢？入邊爆咗有血？定係無啦啦掂到不知名嘅血。」還有人留言：「以為你買左隻雞？魚」。

其實事主只是訂了涼拌手撕雞、海帶絲、土豆絲、雞腎、涼拌牛肚等小菜。他進一步解釋：「我入面冇一樣野有血！我即時WhatsApp返個送貨員，佢話係樓梯度跣親跌親，所以成袋hi晒佢啲血呀！勁恐怖！萬一有啲咩病毒咁點算！」對此，網友們看法各異，有人留言：「我想知點解要咁博命，佢又慘我又驚嚇！HKTV係咪真係咁刻薄，員工有傷都仲要送埋轉貨先，真係好誇張！」也有人說：「明白你收到咁嘅貨可能好憤怒，但跌親果個流咁多血都繼續送上黎，佢應該都好狼狽下。」還有人表示：「赴湯蹈火都要送到客人手上。」最後事主表示：「我都希望佢冇事！同左佢講記得同公司講返工傷呀！」

圖片來源：shaaa.ip@threads

【LINE你睇】每日精選網絡熱話，源源送上新鮮事，LINE你睇唔驚冇話題。