麻雀樂團｜李佳芯郭柏妍靚樣比拼 胡敏芝首度孭重飛落足心機

由譚俊彥、李佳芯、郭柏妍、姜大衛、韋家雄、何啟南、黃庭鋒、胡敏芝及謝東閔等合演的無綫劇《麻雀樂團》，昨晚（28日）播第一集，講述「大龍鳳麻雀館」老闆司徒久（譚俊彥飾），為人重情重義兼古板，因為某些原因，司徒久收養了程朗（黃庭鋒飾）及程晴（胡敏芝飾）為弟弟及妹妹，3人住在同一屋簷下。

由於司徒久為人頗專制，晴晴及阿朗經常要借鐵姐（李佳芯飾）之力與其理論，4人經常在飯枱上「槍來劍往」，溫馨又搞笑！劇情另一重點，是司徒久某日收到神秘USB，並發現原來自己還有親生女沈家明（郭柏妍飾）。由於劇情溫馨熱鬧、及重視主角之間的關係，被譽為港版《同一屋簷下》。

昨晚焦點是李佳芯（Ali）及郭柏妍（Rosita）的比拼。兩代女神均相當省鏡，劇中飾演大提琴手的Rosita，首集已先後以高貴晚裝Look、Cutie Casual Look、毛毛Look及熟女Look現身，加上大眼睛及長腿，「腳柏妍」之名再度引起熱話。至於激罕放大喉嚨演管家婆的Ali，則放下女神包袱，以中性Casual打扮亮相，但仍憑甜美笑容突圍。

至於另一亮點，是樣子酷似經典卡通角色翠兒的胡敏芝（Karen），首集Karen已佔戲極重，劇中角色驚青又「鵪鶉」的她，害怕「大哥」司徒久，但昨晚「一家四口」食飯戲，為了為二哥阿朗討回公道，晴晴公然找出陳年錄音與司徒久「抗衡」，該幕Karen成功將劇中的「驚青」tone變成「挑機」tone，眉頭眼額之間的暗喜、古惑及扮無辜亦令人眼前一亮，演技生鬼；加上鄰家「眼鏡妹」打扮，更是吸睛。

Karen接受tvb.com訪問時坦言，演晴晴有壓力又緊張，同時亦興奮；「冇諗過監製肯用我呢個新人，冇諗過集集都有我咁制，我要更加努力做好啲功課。始終經驗少，我除咗記熟對白，仲會highlight埋同喺對白旁邊寫筆記記低角色嘅心情，令自己更容易代入。」

除了做功課，原本已很瘦的Karen更減去逾10磅，為的就是為了與謝東閔演情侶時更有說服力：「我由45KG減到40KG，希望令自己冇咁baby fat，感覺冇咁細個，希望同東閔外形會襯啲。」

談到劇中與視帝譚俊彥和視后李佳芯有不少對手戲，Karen感激照顧：「佢哋會成日同我哋食飯傾偈，同埋會帶住我、教我點樣可以做得好啲。好似話即使鏡頭剩係影佢哋背面，大頭影住我，佢哋都會畀足晒戲我，幫我代入角色，好sweet、好專業。」

（即時娛樂）