郭奕芯要戒淫邪　被七仙羽警告唔好露太多肉

藝人七仙羽（七師傅）將於8月舉行唱笑會，今午（5日）聯同其他演出嘉賓包括徒弟藝人郭奕芯（Ashina）、和泉素行及龐景峰等，於尖沙咀舉行記者會。Ashina表示會將自己的第一次獻給七師傅，她説：「第一次喺舞台唱歌跳舞，會同師傅又唱又跳，不過我唱又唔得、跳又唔得，到時可能會跳到隻蟹咁，哈哈。」問到到時會否作性感打扮演出，身旁七師傅即說：「我幫佢戒淫邪之後，要求佢唔好再露胸，佢每次喺社交網貼露肉照，我都會警告佢唔好露太多，不過今次舞台演出會露少少但唔會太多。」Ashina則補充説天氣熱也不應穿太多衫。

另外，七師傅亦透露到時有「天王級」嘉賓現身，但暫時要賣關子，她説：「想邀請合作過嘅朋友做嘉賓，例如鄭欣宜、張敬軒。」她笑言唱歌跳舞對她絕對有難度，要努力開始惡補。

東網網站 : https://on.cc/東網Facebook專頁 : https://www.facebook.com/onccnews/