女神崩壞！張鈞甯慘遭「家暴」強行腿張開

台灣女星張鈞甯近日喺社交網上載咗同姨甥女一齊做運動嘅相，兩個人一齊腿張開做拉筋，睇得出佢哋嘅筋骨都好柔軟喎，不過之後姨甥女就用手拉起張鈞甯嘅腳強行幫佢變成一字腳，難怪張鈞甯留言話：「這位小朋友說要跟姨姨一起運動，轉眼畫風就變了…救命啊，魔鬼助教來了，姨姨剋星！」粉絲對張鈞甯完全唔同情，仲大讚姨甥女做得好，係個稱職嘅助教。不過有網友就錯重點，好奇點樣做到4張相入面竟然無一張相係清楚見到張鈞甯個樣，雖然睇唔清女神個樣，但佢嘅長腿就畀粉絲狂誇，讚佢有逆天長腿。

東網網站 : https://on.cc/東網Facebook專頁 : https://www.facebook.com/onccnews/