樂做冇腳雀仔！「溝女王」翟威廉唔想定落嚟

剛踏入37歲的藝人翟威廉，日前出席公開活動時獲送上蛋糕慶祝，他透露今年受疫情影響，未有準備開派對，故將會於工作中度過，曾揚言身邊有不同國籍性伴侶的他，被問到近排可有溝女？威廉坦承：「成日㗎啦！（有冇固定女友？）咁又冇，呢個係我嘅生活習慣，唔想定落嚟！（咁有冇女伴約？）如果有咪約囉！不過疫情問題我都好耐冇出街，所以都係靜靜地渡過，如果有朋友仔鍾意嚟見面吹水，我冇任歡迎。」

談到其清酒生意，威廉灰爆表示疫情下生意受重創，早前已辭退舖頭全部員工，現時全由自己獨撐，更說：「依家日日喺公司睇舖，減少開支冇計，真係好少人嚟買嘢，本身交貨畀批發餐廳又執笠，兩個舖位一個月幾萬蚊租，所以暫時將之前賺到嘅擺落去啲租度頂住先，應該頂得住嘅，總之咩都係假，食飯慶祝呢啲係閒事，最緊要係點維持到正常生活。」

東網網站 : https://on.cc/東網Facebook專頁 : https://www.facebook.com/onccnews/