馮允謙新歌傳遞正能量　騷後想放大假陪家人

「唱作王子」馮允謙（Jay）全新英文歌《Break Your Heart》MV正式上架，除了字面上「心碎難過」的意思，還可以從食字角度「讓心靈Take個Break」，發放正能量。而歌曲、歌詞和MV都希望帶出療愈心靈、舒壓和放下的訊息，Jay說：「今次新歌嘅音樂班底有我同T Ma作曲，作詞有我哋再加埋我細佬Tim Fung，呢首歌去年一月寫，關於Healing（療愈），我哋生活遇到壓力、唔開心，我好想寫一首歌去療愈大家，聽到呢首歌可以Relax，將唔開心嘅事放下。」

今次MV出動市值逾百萬越野車拍攝，讓Jay憶起以前在加拿大生活的日子，他說：「嗰陣時放假會自己揸車去啲埠仔Camping、去其他地方玩，呢種Road-Trip令人好Relaxing，聽住音樂揸車，令我心情好舒服，所以我好鍾意揸車周圍去，好多美好回憶。」MV中有一幕是Jay在森林拋錨要即場換車胎，這是他人生首次換車胎，他笑說：「我未試過突然爆胎，好彩！如果真係發生，我會Call拖車或者搵人幫手。」導演安排了一位真正師傅從旁指導Jay換胎，全整一手一腳辦妥，鏡頭前有板有眼，拍攝順利。

Jay即將於周末舉行《BLUE MOON WANDERLUST 馮允謙演唱會2026》，不過演唱會未開始，他已想好騷後放大假，但工作檔期滿滿，未必如願。他說：「衝完一定要休息，因為排一個演唱會好大壓力，我同公司要求放一個月假，但佢哋話有工作，最初改為三個星期、兩個星期⋯工作緊要，希望有一個星期啦！（放假去邊度玩？）我諗番加拿大休息，去年真係飛咗好多地方工作，所以想返去見屋企人！」

東網網站 : https://on.cc/東網Facebook專頁 : https://www.facebook.com/onccnews/