聲秀︱穎喬沙聲獲讚有性格　陳卓怡跳唱打動「手緊王」

無綫歌唱比賽節目《聲秀》本周日（24日）播出的一集中，將進行第三回合「學員助力戰」，除出賽學員，每位導師將指派第一或第二回合已出賽的學員作助力，協助方式包括和音、跳舞或樂器伴奏等。經過本集比賽後，在「導師策略戰」三個回合中得分最低的三個組別，需各自淘汰一名學員，而淘汰重任落在五位評審：趙增熹、舒文、陳奐仁、郭偉亮（Eric Kwok）及周錫漢手上。

胡鴻鈞（Hubert）組中，無論聲音或外形均充滿個人特色的穎喬（Ziva），聯同上集與Hubert合唱《永久損毀》時表演出色的周智敏（Emily）演繹搖滾歌曲《娛樂人生》，Emily更會彈奏電結他助攻！二人綵排期間，更獲路過探望Hubert的吳業坤突入擔任客串導師、並即場示範「空氣結他」。正式表演時，Emily與Ziva合拍度極高，表現奔放的Ziva除型格十足地踩住台上喇叭放聲叫唱，本身聲線「沙沙地」的她，真假聲音轉換亦揮灑自如，加上自信自如的演繹，獲評審周錫漢大讚有性格：「其實我覺得你係有性格同Attitude去Carry呢種音樂。」舒文：「當Ziva一出嚟嘅時候，我覺得把聲沙沙地、少少沉其實好有型。」

而泳兒組中的陳卓怡（Hoonry）與徐惠晴（Vanessa）的特色，是前者負責自編舞步、後者負責為Hoonry編舞度身訂造RAP，以自己的風格重新演繹《小碎步》。而導師泳兒雖然本身並非跳唱歌手，但仍落足力指導二人跳舞動作，Hoonry接受訪問時大讚泳兒是好媽媽：「佢嗰日陪住我哋（排舞），連飯都冇食，一次又一次執完又執」、「呢組真係好似一個 family，佢就好似我哋嘅媽咪咁樣。」

向來自信十足的Hoonry，跳起自家「小碎步」時相當有活力，配合Vanessa咬字清晰的Rap，原唱鍾舒漫聽畢衷心大讚：「Surprise！Hoonry用佢嘅語氣令到件事唔同咗，我覺得係一個幾好嘅設計。」評審們亦一致好評，Eric Kwok：「你把聲好響同好入咪，你想show好多嘢畀大家睇，你真係all in呢鋪。」舒文：「要讚吓個Rap，清楚！所以我都係畀幾高分。」「手緊王」趙增熹：「終於真係睇到個參賽者Own咗隻舞。」看到自己組員如此出色，「媽咪」泳兒自然大為感動，並感性爆喊：「我喺危險區救佢返嚟，所以我有個使命感話畀人知佢係得嘅。」

東網網站 : https://on.cc/東網Facebook專頁 : https://www.facebook.com/onccnews/