【一出世畀女圍】「小飛俠」林燕玲誕7.1磅B仔

有「小飛俠」之稱的前新聞主播林燕玲（Ruby），去年平安夜宣布與金融才俊葉浩文成功製造愛情結晶品，並已懷孕六個月。今年愚人節她公布了為男B。今日，她宣布小朋友已經出世喇，佢喺社交網上載BB相，並表示「welcome to the world，我最愛的寶寶出世了，聽到你第一下哭聲，那感動無法形容，我別過頭來同你爸爸相視而笑，這一瞬間只感到人生有多實在同美好，常說瞬間就是永恒，這刻我明白了。」不少圈中好友留言送上祝福。

林燕玲回覆東網說：「BB出世7.1磅，一出世個頭圓碌碌，皮膚白白，好健康，成粒emoji咁，成個產房啲姑娘都圍住睇佢，我老公就話佢似粒粟子，未改名，我哋一直諗住見到佢先改，結果出世到依家都未改好。」她透露BB是4月1日愚人節出世，是專登揀呢日開刀生產，因為貪易記，她說一早做好入院準備，衣服用品都執拾預備好，所以一切都非常順利，作為新手媽媽，現時仍未出院的她，笑說十分忙碌。問BB似她還是老公？她說：「似我較多。」

東網網站 : https://on.cc/

東網Facebook專頁 : https://www.facebook.com/onccnews/