七師傅自爆未失身：點攻都攻唔破 有一優點不怕男友出軌 想姜濤做老公

七仙羽（七師傅 ）近日人氣超勁，繼ViuTV節目 《鬼同你上位》之後，最近剛剛播完不久的真人騷《七救星》都好受網民歡迎。大家大讚她該搞笑時搞笑，該正經時正經，令人又笑又喊，綜藝效果十足。好多人知道七師傅樂於助人，不求回報，但對於七師傅的背景又知幾多？近日她接受DJ林柏希主持的網上節目《月傾會》訪問，大講愛情觀，狂答勁爆問題。

撰文：Clara | 資料來源：網上節目《月傾會》| 圖片來源：ViuTV節目《七救星》、七師傅Instagram、姜濤Instagram、陳瑞輝Instagram、新傳媒集團資料庫

七師傅不怕哈佛畢業愛人會出軌

七師傅又名七仙羽，但本名其實是趙玲，她更拿出身份證證明自己沒有講大話，她還自嘲自己並非18歲：「如果係18歲就唔使咁鬼鬼祟祟。」另外她有一位外籍愛人Gerald阿龍，拍拖十年，過去原來就已經試過於教堂舉辦婚禮儀式，但是卻沒有正式簽紙結婚。早前她邀請愛人上《七救星》，與娟姐宣布「結婚」又「離婚」之後，隨即叫愛人上台，公開深情一吻，非常甜蜜。林柏希指她愛人條件好，是哈佛大學畢業生，而且是個頗有錢的人，問她擔不擔心愛人出軌時，她對自己相當有信心：「我錢咁多！」

她指自己平時很信任愛人，第一她從來不偷看對方的電話，也從來不會跟蹤對方，因為沒有時間。第二，她覺得要自由很重要，要給對方私人空間、時間，更揚言接受到愛人出軌：「就算啲男人偷食都係OK㗎。」

自稱還未失身 一夜情會選Anson Kong

其後林柏希同七師傅玩遊戲，狂問勁爆問題，如果她不敢回答，就要吃勁辣壽司。第一題，七師傅被問到幾歲在哪裡失身，對象是誰，她自稱還未失身：「我好似一座冰山一樣，點攻都攻唔破㗎，咁係咪即係冇失過呢？攻唔破喎，咁即係唔係我嘅問題，係咪？（對方無能力啫！）想失都失唔到啊！」

她還被問到圈中男女藝人誰看起來最淫邪：「陳冠希就係囉，我覺得陳冠希唔係話真係咁需要，反而佢係可能一種心理問題。」而女藝人就是《鬼同妳上位》的Mange。

接下來她要在MIRROR中挑選出三位分別做老公﹑男朋友同一夜情的對象。她毫不猶疑老公會選擇姜濤：「因為佢係處男，我係處女，大家都攻唔入，咁就安全，唔使驚有病。」本來她想所有成員一起做自己的男朋友，但被林柏希指太花心之後，她選出Frankie陳瑞輝，因為對方好靚仔，但最後也補答：「隻隻都靚仔！」而一夜情對象，她則選了Anson Kong江𤒹生：「佢會令到人產生呢個慾念，你one night stand你一定要打得火熱!（你覺得佢攻得破你嘅冰山？如果係佢嘅話）佢有機會攻得破。」非常幽默。

經常幫人斬小三 曾被同行落降頭

七師傅經常幫人解決問題，她指大家最常問及感情、財富，感情方面，例如單身女士會請她幫忙增加桃花運，找未來老公，而已婚婦女就會請她驅走老公身邊的第三者，她解釋：「斬小三就係透過一啲法事，令到小三同佢嘅老公呢就斷咗呢個孽緣。」

想做玄學家並不簡單，她憶述以前曾被一名男師傅落降頭，沒料對方害人終害己，最終要向她親自道歉:「佢知道我唔係咁容易惹㗎…因為佢想害我，但害唔到我，佢瀨咗嘢。跟住佢話：『對唔住』，我話：『點解你要害我呢？』佢話：『因為嬲囉，憎恨，因為你後生過我，你出名過我，搵錢多過我，我咪嬲囉。』」她指那名男師傅有個女兒，報應就落在他女兒身上：「因為佢之前就咬住我唔放㗎，不斷去整我，落降頭搞我，佢嘅報應就係報喺個女身上。」