廖啟智二仔感激大家對父親愛戴：放心，我冇事﹗

廖啟智（智叔）日前因胃癌離世，終年67歲，智叔和太太陳敏兒婚後育有3子，孻仔廖文諾在2006年因血癌離世，而大仔廖文哲和二仔廖文信向來低調，今日凌晨，二仔文信在Instagram限時動態發文，他感謝大家對父親的愛戴：「收到好多窩心嘅message，感謝大家嘅關心同對我爸爸嘅愛戴，放心！我冇事！我會好好休息，慢慢疏理情緒，大家唔使擔心，再次多謝大家嘅愛，我好幸福！」

另外，智叔和大仔文哲早年曾應蕭潮順之邀，到南極參與拍攝工作，昔日片段亦曝光，兩父子在郵輪上獻Sing，先由文哲拿着結他自彈自唱《單車》，而智叔則拿着電話拍攝囝囝唱歌片段，之後文哲彈結他，智叔唱出《海闊天空》，畫面溫馨。

（即時娛樂）