同時段開咪！啤梨出招挑機森美貴花田　

新城DJ葉文輝（啤梨）於周一（5月6日）推出全新時段節目，不惜下「戰書」獨挑友台兩位王牌DJ森美及貴花田，誓要在同一時段搶贏收聽率。一向在電台慣做傍晚及晚間時段節目的啤梨，將在10時至12時推出全新節目《全民必Buy》，他接受訪問時說：「我喺廣播界都做咗成20年啦，好少喺呢啲近中午時間開咪，雖然兩個友台各有皇牌節目，但我心目中仲有一圑火，有信心可以令啲聽眾轉台聽我嘅新節目，況且嗰個時段，電視台都係播舊劇多，不如開收音機支持吓我啦。」

問啤梨相比兩個友台的節目有何取勝之處？他說：「我個節目，比貴花田呢位『師奶達人』更貼地，會講慳錢、投資、買樓等，好似袋啲錢落聽眾個袋咁，聽咗一定有得着。」其中他率先分享其慳錢秘技，指鞋爛了是不用丟的：「好似我有對3千幾蚊嘅波鞋爛咗，我就攞去補，結果只係使咗300幾蚊就有番對同新一樣嘅波鞋，咁就既環保又慳錢，慳慳埋埋，可能會儲夠買樓首期。」啤梨就話首日節目請得同是人夫的孫耀威及鄧健泓齊齊講慳錢大法。

東網網站 : https://on.cc/

東網Facebook專頁 : https://www.facebook.com/onccnews/