受《愛．回家》帶挈　秦啟維疫情下工作增

藝人秦啟維（維維），今午（20日）出席拍攝一輯健康產品廣告，疫情下工作反而增加的他，坦言受惠於有份拍攝無綫處境劇《愛·回家之開心速遞》，因為劇集予人開心健康感覺，兼且夠「入屋」，好多廣告商都找來同劇同事拍攝健康產品廣告，他説：「你見呀丹爺都有幾個在手，都係健康食品，之前大小姐又係。」

維維透露自己都有做運動習慣去保持身體健康：「我一個禮拜會游3、4次水，每次幾個鐘咁不停咁游。（幾時開始？）5、6年前，應該啱啱由ATV過TVB嗰陣，想做多啲運持保持健康，依家尤其疫情下更加需要。」

除廣告外近來亦忙於拍攝兩套劇集，入行多年飾演過多類角色，但始終未有一個鮮明特定形象，問到是好是壞時，他說也不是壞事：「好彩公司冇界定我係邊一類型，雖然有特定角色時監製未必第一時間會諗起你，但相對可塑性高，每種角色都有機會會有人搵你去試。（自己有冇邊類角色想試？）想試吓扮演聾啞人士，我覺得比較難，因為套語言、手語，要好自然地做出嚟唔容易。（有冇同啲監製反映？）冇得要求㗎呢行，有得做已經好開心啦。」

東網網站 : https://on.cc/

東網Facebook專頁 : https://www.facebook.com/onccnews/