Rihanna為音樂劇新片《藍精靈大電影》配音兼唱歌

經典動畫系列《藍精靈》迎來重啟，今次電腦動畫音樂劇新片《藍精靈大電影》（Smurfs）最大賣點，是請來巴巴多斯天后Rihanna為女藍精靈美芝配音，她親自創作並演唱新歌《Friend of Mine》，更擔任電影監製。電影劇情講述由美國男星尊高文（John Goodman）聲演的藍精靈爸爸被邪惡巫師抓走，美芝帶領其他藍精靈同伴闖進現實世界實行營救行動。

曾執導《史力加3》（Shrek the Third）與《無敵貓劍俠》（Puss in Boots）等電腦動畫的導演Chris Miller，受訪時透露Rihanna於片中將會有兩首歌，又指她有影響角色的美術設計：「好早期，美術部門一路同佢合作，尤其係美芝嘅角色。美芝都好係以原作者Peyo設計為基礎，但我哋做咗啲含蓄嘅改動，都改咗好耐，當中係同佢好多合作同溝通，尤其係關於髮型。我哋試咗好多唔同版本，等佢更符合角色性格，好老實都幾好笑，我哋花咗一年時間試晒所有嘢，最後一齊都認為去返最初版本係最好，改返其他地方。呢個係佢參與嘅地方，同我哋合作美術設計。」

東網網站 : https://on.cc/東網Facebook專頁 : https://www.facebook.com/onccnews/