佘詩曼豪宅內部裝潢曝光　媽媽設家宴展廚藝

「三料視后」佘詩曼（阿佘）憑劇集《新聞女王》再創事業巔峰，日前完成《新聞女王2》拍攝嘅佢，近期更要忙於宣傳新劇出席活動，難免冇時間陪家人。而不時透過社交網分享生活點滴嘅佢，日前就晒出與愛犬Gaga嘅合照，並透露：「Gaga今日特別嗲，一定要我抱佢先畀我出門口，sweet到呢～」

此外向來人緣極好嘅佘媽媽，日前更喺佢與佘詩曼同住嘅山頂道豪宅設家宴招呼好友。其中身為賓客之一嘅陳淑芬，日前亦透過社交網開心分享道：「佘媽在圈中是出了名的廚藝了得！約同一班好友品嘗她的手藝，每次都會又食又拎，打包回家！好友敍舊非常開心，謝謝佘媽豐盛好味的家宴。」從相中所見，佘媽媽準備了十道豐富菜式及兩款水果，而他們身處的飯廳亦相當闊落，一旁更擺有紅酒櫃。而佘詩曼自去年被爆新居入伙，搬入山頂道複式豪宅後，更有傳她在香港至少有擁有5個物業，身家逾兩億港元。

東網網站 : https://on.cc/東網Facebook專頁 : https://www.facebook.com/onccnews/