謝淑怡倫敦出Trip晒長腿　拒絕異地戀請老外食檸檬

2024香港小姐謝淑怡（Zoie）日前在社交網晒相，以：「Work hard Play hard 寄工作於娛樂」為題，分享早前到英國旅遊的點滴，置身倫敦街頭的她，在倫敦塔橋等著名地標的襯托下留倩影，大騷香肩長腿，美不勝收。

Zoie接受訪問分享今次倫敦之行，表示是以特邀鋼琴家身份，出席世界排名前三名的英國皇家音樂學院所舉辦的藝術節，她説：「去咗差唔多8日，主要都係喺倫敦，因為時間比較短，最主要做嘢，有時間就出去行下。」參選港姐前已是鋼琴家的她，不時到世界各地演出，她感謝公司體諒，知道她對音樂的重視，工作安排上也為她作出協調，好讓她可以到外面演出。

問到此行有否艷遇？Zoie笑言確實在街上遇到男生表示要請她喝咖啡：「佢話Buy me a coffee，仲話要帶我睇吓倫敦唔同嘅地方，我就緊係禮貌地拒絕，因為人生地不熟，點知佢係咪壞人？」她笑指世上有不少壞人，身為女生更加要時刻提高警覺，避免輕易墮入陷阱：「陣間畀佢帶咗我去英國嘅KK園咁點算？」問她會否接受外地男生作另一半？她表示自己比較喜歡華人，同聲同氣説廣東話當然最好，若以普通話或英語溝通也不介意，但絕不考慮異地戀，笑問是否當年在美國留學時試過令她留下陰影？她笑謂：「我去咗美國讀書6年係冇拍過拖㗎，因為嗰陣係超級無敵專心讀書，我係嗰啲樣樣都要攞A嘅人，又點會有時間去諗感情同拍拖？所以我先攞到全部A嘅成績，但就換嚟冇拍拖嘅後果，哈哈！」

東網網站 : https://on.cc/東網Facebook專頁 : https://www.facebook.com/onccnews/