王心凌小腿綁繃帶堅持開騷　自爆受傷縫針認焦慮

台灣「甜心教主」王心凌最近於內地開巡唱，惟佢出現腳部受傷狀況後，因為要演出已未能休息，堅持完成表演，腳踝更綁住繃帶登台，粉絲目擊其帶傷完成大幅唱跳動作，上月底佢於蘇州演唱會時，其小腿仍可見明顯繃帶，佢本人更坦言因受傷縫針但仍未取消演出，點都要堅持落去，令粉絲心痛。

王心凌喺蘇州演唱會回應腿傷一事，本身佢笑住搵櫈坐，之後佢就提到自己最怕腳上嘅肉色繃帶會好似泥巴黐上腳咁，怕影響視覺，之後急急叫大家唔好擔心：「我之前因為不小心受傷，然後這邊的傷口都縫了幾針…就開始幾天我真的是有點焦慮，很擔心話個傷口會不會影響演出，因為大家來這邊看我蹦蹦跳跳，這個能量不能少。」女神此話一出，心痛得全場大叫「坐下」，佢即刻話自己狀態ok，有去睇醫生同休息，繼續企住同大家吹水，專業精神可嘉。

東網網站 : https://on.cc/東網Facebook專頁 : https://www.facebook.com/onccnews/