周吉佩挑戰勁歌熱舞　兒子鍾意女兒唔Like

《中年好聲音》歌手周吉佩（吉吉）日前到電台接受錄音訪問，宣傳跳唱新歌《GUTS》。繼對上一首輕快歌《Falling for you》要跳舞後，今次吉吉首次挑戰勁歌熱舞，除了粉絲給他動力，最主要是希望帶給大家新鮮感。

吉吉直言若是過往的自己，絕對沒可能又唱又跳，他說：「上次主要係手部動作為主，今次真係跳熱舞，因為我唔係好想框著自己，尤其粉絲畀我好多動力，以前我真係冇可能做呢件事，覺得攞結他唱歌仲好，但依家豁出去多咗。」他還笑稱可能被排舞師作弄，「佢成日鼓勵我，不停話你跳得好好，又話我進步咗好多，係咁催眠我，令我真係覺得好勁，所以就跳啦！當我唔尷尬時，尷尬就係其他人，咁我又使乜理你感受呢？呢個先係『GUTS』嘛！」

問到子女們可有看他跳舞？吉吉透露兒子很欣賞他跳這支舞，而且跳得比他好，他說：「佢學緊打鼓，節奏好敏感，亦都好鍾意呢首歌，反而囡囡就唔鍾意，佢鍾意慢歌。」

東網網站 : https://on.cc/東網Facebook專頁 : https://www.facebook.com/onccnews/