蔣麗萍大爆與巨星合作趣聞 笑張國榮劉德華「頑皮仔」

80年代歌手兼演員蔣麗萍（Agnes），日前到新城廣播接受李有毅（Ben）和兒子李國煒（Benson）主持的《Ben同Benson「Chur」到行》錄音訪問。

Agnes娓娓道出多姿多彩演藝生涯，11歲就參加《聲寶之夜》並獲得特別獎，因此得到著名音樂人鮑培莉的賞識，1980年代與寶麗金唱片簽約後，迅速走紅。談及圈中難忘經歷，她憶述一次拍戲，遭張國榮及劉德華整蠱，她說：「劉德華同張國榮嗰時根本就係頑皮仔，好怕佢哋一齊出動，佢哋最鍾意喺片場搞搞震，撩吓你，又蝦吓你，可能我個樣斯文，好啱佢哋蝦。」

除了兩個「頑皮仔」，Agnes也分享與梅艷芳的深厚友誼，2人因拍攝劇集《香江花月夜》結緣，她形容當時與梅艷芳、景黛音情同姊妹：「我哋3個女仔差唔多時期出道，真係好好朋友，每晚收工仲會一齊食宵夜，阿梅最鍾意食日本菜。」

1988年結婚後，Agnes選擇急流勇退，轉戰商界，她說：「有時候會諗，如果當年繼續留喺娛樂圈，𠵱家會係點樣呢？」她表示對自己的人生選擇無悔。

（即時娛樂）