傳炎明熹3年滿約即離巢一原因TVB寧捧中年好聲音放棄年青人？

1.上星期有報道指，被視為「TVB 吸金力強」嘅炎明熹，三年合約即將約滿，決定不再續約，TVB 隨即將她雪藏，缺席十大中文金曲頒獎典禮

2. 另一方面，有傳媒發現， AfterClass 其餘3位成員將於7月開騷，獨欠炎明熹，令傳言可相性提高

3. 對於傳聞，TVB回應「傳聞非事實」，其經理人回覆，「其實每段商業關係都有一個合約期限」，但又指公司仍然長時間同Gigi有合作關係，之後又承認缺席頒獎典禮，講到疑幻似真

4. 現年19歲的炎明熹， 2020年參加《#聲夢傳奇》，以大熱姿態奪得冠軍，後受TVB力捧，除了與《聲夢》三位成員組隊After Class，又北上參加《聲生不息》，與前輩林子祥、葉蒨文、楊千嬅等演出

5. 早前有報道指，炎明熹吸金力強，出騷錢高達50萬，「3個月瘋狂出騷傳袋500萬」，未知TVB抽多少佣？

6. 如果傳聞屬實，喺TVB連年巨額虧損下，無理由輕易放棄生金蛋嘅雞，照道理係傳千萬續約，而唔係傳佢唔續約，到底其吸金力係唔係冇外間諗咁強？

7. 有做開event嘅行家就同娛頭講，近月搵TVB藝人登台出show「好多少都係力推《#中年好聲音》參賽者，尤其係周吉佩，好少聽到推薦後生。」

8. 除咗周吉佩之外，背景十分神秘，有拉姑狄波拉做頭號粉絲嘅《中年好聲音2》亞軍 #譚輝智，近月離奇被力捧，參賽後火速開個人演唱會，老是常出現於《東張西望》，出鏡程度異於常人，風頭明顯蓋過冠軍古淖文

9. 有網民指：「中年二世祖？」、「頭兩季冠軍都未有佢待遇，唔知屋企科左幾多水？」、「路人樣都開到演唱會」

10. 眾所周知，TVB 對藝人待遇有幾好，留得公司耐嘅，個個本身都非富則貴，早前有傳媒報導指譚輝智同爸爸及兄弟係馬主，名下共同擁有愛駒「可愛新星」。

11. 報道仲話，譚父譚握籌從事地產建築行業，曾出任仁愛堂總理，曾為慈善演唱會演出，試過同汪明荃合唱。

12. 根據資料，譚握籌多年前以買賣村屋起家，後來更成為地產發展商，曾參與元朗多個住宅項目。2015年有報導指，譚握籌嘅公司與生意伙伴以5300萬購入元朗洪水橋地皮，唔怪之得！

13. 對比譚輝智，睇返炎明熹背景：原名王佳恩，後改名王爖熹，父母為內地人，在香港出生的她從小便跟姑媽一家一同生活，家底明顯不及譚輝智

14. 一個為名、一個為利，本應各取所需，相比後生欲離巢搵真銀，吸納「聽教聽話」，欲依靠TVB賺名氣嘅中年人，似乎更得公司歡心

15. 即使傳聞最終非真實，都令TVB「捧人方程式」欲蓋彌彰，唔怪得TVB話咁快又要開《#中年好聲音3》，《聲夢傳奇3》？抖抖先！

娛樂