【LINE你睇】內地麥當勞對講機玩具 炒價升10倍港亦有放售

內地麥當勞迎接六一兒童節推出50萬組限量玩具「麥麥對講機」大受歡迎，掀起瘋搶熱潮，炒價竟然狂升10倍，令炒家短短幾日就賺到眉開眼笑。

該款「麥麥對講機」一盒有兩件對講機玩具，為薯條及麥樂雞造型，內附兩張貼紙及兩條掛繩，可在300米範圍內通訊。

每套對講機原價只是$38人民幣（約港幣$41)，凡購買任何套餐即可加購，不過由於太受歡迎，推出後很快便售罄。有黃牛疑看準商機入市，被發現於網上二手拍賣平台上，一套對講機被炒高至人民幣$300（約港幣$330)，被炒貴近10倍。

內地有網店已售出逾萬套，即大賺逾$59萬港元，非常「和味」。香港亦有網店放售，每套只售$79，炒價算是非常溫和，不過就聲稱七月中才有貨，貨源真偽存疑，香港消費者宜小心查證，避免預購陷阱。

圖片來源：小紅書

【LINE你睇】每日精選網絡熱話，源源送上新鮮事，LINE你睇唔驚冇話題。