東張主持容羨媛入院做手術　子宮生十幾粒瘜肉：經常爆M

《東張西望》主持容羨媛與老公結婚12年，育有一女一子。她日前拍片自爆自生下小朋友後以後，身體出現狀況，每次月經時都會大量出血，檢查後發現子宮生了十幾粒瘜肉，早前要入院切除。

容羡媛在片中分享指，她在生完仔女後，一直受經血過多而困擾：「當我生完小朋友，月經一直都係比較多，多嘅程度係點呢？就係一嚟嘅時候，大概一個鐘頭內，成塊衛生巾就已經爆滿，甚至會出現比較尷尬嘅情況，就係漏M。你知道我經常都要出外景，仲要見藝人同拍攝，好多時候喺一個鐘頭內係換唔切M巾嘅，為避免尷尬嘅情況，我係用棉條再加M巾，我先可以確保我出街嘅時候唔會漏M。」

容羡媛指，為她接生的婦產科醫生稱這是產後子宮血管變異，屬正常情況，又開止血藥給她，控制到流量。

她有感不能永遠靠藥物控制，而且後來經血出現血塊的情況，於是向另一婦科醫生求醫。她被要求做檢查照宮腔鏡檢查，發現其子宮內膜有肉粒：「生咗好多粒粒，肉眼睇都有3粒。」

容羨媛於是聽從醫生建議，入院進行全身麻醉的「清除小手術」。手術後醫生告知她子宮內有十幾粒的瘜肉，已全部清除，經化驗後發現是良性的瘜肉。她又表示，手術後經血問題已回復正常，更勸籲女士們如發現身體有問題，尤其是婦科病情況，不要只上網查看，應盡快向醫生求醫，並提醒女士要定期進行婦科檢查。