過門而不入變零互動　陳偉霆驚傳同何穗分手

藝人陳偉霆於2021年爆出撻着內地超模何穗，更有指二人早於2019年已經成為戀人，惟當時人至今未有回應。點知今日（2日）就有內地消息指陳偉霆同何穗疑似已經分手，曾被拍得喺北京雙雙出入陳宅嘅二人，相隔異地開工，已經好長時間冇見面，女方最近離開北京時，更係入住酒店，未有再到陳偉霆屋企，更有人觀察到何穗近期行程，都只係姐妹聚會，同陳偉霆之間似乎再無任何聯繫。陳偉霆曾傳同何穗低調戀情，如今何穗寧願住酒店，都唔上距離好近嘅陳偉霆屋企，即引起網友懷疑，加上何穗刪走網友喺佢社交網上關於陳偉霆嘅留言，質疑二人已分手。

東網網站 : https://on.cc/東網Facebook專頁 : https://www.facebook.com/onccnews/