【美食地淘】疫情下的一席廚師發辨

話說黎呢度係個美麗嘅意外。。。原本預訂咗嘅餐廳因為疫情突然唔要休息，幸好臨時轉咗呢間，就係咁…遇到小妹近期最愛。

太耐無食過🍣新鮮壽司，所以揀咗十二貫，仲配有沙律、海鮮蒸蛋、吞拿魚蓉手卷、味噌湯同海鹽雪糕。壽司有柚子有真鯛、深海池魚、赤貝、炒海膽帶子、燒金目調、海老配魚子醬拖羅蓉、左口魚配燒左口魚邊、蟹肉海膽、鰹魚配柚子胡椒鹽、白松露燒銀雪魚、大中拖羅、北海道馬糞海膽。

其實款款都好新鮮好食，小妹左揀右揀精選咗Top 5：

炒海膽帶子：將新鮮海膽炒至乾身，再灑喺大大件帶子壽司上；鮮甜帶子混合香濃海膽味，令壽司味道昇華。

左口魚配燒左口魚邊：喺左口魚壽司上加多片燒左口魚邊，上層嘅魚邊非常爽口，魚燒後更香，配搭下層較滑身，魚油滿滿嘅左口魚魚，無論味道同口感都非常豐富！小妹第一次咁樣食，好有驚喜😯

鰹魚配柚子胡椒鹽：小妹一向對鰹魚不太興趣，不過呢件壽司真係值得佔一席位。鰹魚本身味道比較濃，加入柚子胡椒鹽同芝麻之後，令味道有多種層次，有濃郁魚味、微酸柚子味，微辣胡椒香。。。唔知點形容，但味道好特別；連朋友唔食濃味魚都大讚👍🏻

白松露燒銀鱈魚：銀鱈魚係小妹最愛，火炙後更加係魚香十足，但肉質保持嫩滑。銀鱈魚同白松露好夾，悠悠松露香令魚味進一步提升。

大中拖羅：食Omakase點可以無拖羅，今次呢件仲係打孖上！中拖羅上再舖上一片炙燒大拖羅，油香豐郁，絕對係嶄新嘅味蕾享受。雖然食完會少少濟咗，但非常滿足☺。

其實其他壽司都相當高質，例如：

最後，點可以漏咗吞拿魚蓉手卷！看似平凡嘅拖羅蓉手卷，加入飯素同脆米後，跟綿滑嘅拖羅蓉形成口感對比，有驚喜！就算小妹已經好飽都食曬🤭。

其實Omakase嘅食材新鮮係基本，小妹鍾意呢家餐廳係因為呢度同一件壽司都帶俾小妹唔同嘅味道享受。老實說大家都用差不多嘅魚類做壽司，但加入唔同嘅配搭、材料、調味，味道已經好唔同；睇得出師傅會花心思令一件壽司變得不平凡。

同師傅傾計，依家真係食肆寒冬（應該所有行業都係），餐廳嚴守安全距離，全個sushi bar 都只能做3枱客，場面真的冷清…希望餐廳可以捱得住，等小妹再返去食。呢間，一定入回頭List~推介！

一幸
推介度：❤🖤❤🖤❤🖤❤🖤
💰：$480 p.p
地址：尖沙咀The Cameron1樓102號舖

by 淘 (Follow @taltalsfooddating ~)

          View this post on Instagram                      

A post shared by 🍑TaL TaL's Food Dating (@taltalsfooddating)